【兩歲寶寶點解情緒咁波動？其實好正常💭】
成日喊、發脾氣、一下笑一下嬲？你唔係教得唔好，而係寶寶正在成長中🌱
👇🏻 兩歲情緒起伏大，原因其實好簡單：
🧠 1｜大腦仲未識「控制情緒」
情緒出得快，但理性未跟上，一嬲就真係停唔到。
🗣 2｜想講，但講唔到
心入面有好多想法，但語言能力未追得上，挫敗感就變成喊同發脾氣。
🤚🏻 3｜「我自己嚟！」嘅階段
開始想有主導權，但現實又成日被限制，情緒自然易爆。
😴 4｜攰、餓、太刺激
對兩歲寶寶嚟講，身體唔舒服 = 情緒即刻失控。
💛 爸媽可以試下咁做：
✔ 先接住情緒，唔急住鬧
✔ 幫佢講出感受
👉🏻「我知道你好唔開心。」
✔嘗試放手俾佢自己做
👉🏻「你係咪想自己嚟？」
✔ 比有限選擇，滿足自主感
👉🏻「你揀紅色定藍色？」
✔ 睡眠同飲食好重要
情緒穩定度真係差好遠
✨ 溫馨提醒
兩歲嘅情緒爆發，唔係壞習慣，係孩子學緊點樣面對同表達情緒。
爸媽，辛苦你哋啦🤍你哋已經做得好好。